Løypa

Løypetraséen mosjon

Parkering i sentrum, ved Kviknes hotel eller ved Sagatun skule.

Dersom du vil delta i mosjon, kan du melde deg på og starte frå Kviknes Hotell eller frå Ja-steinen (ovanfor Sagatun skule). Dersom du startar frå Kviknes hotel, går du forbi Norsk Reiselivsmuseum, gjennom sentrum, inn Lærargata forbi Balestrand Bygdahus og vidare ca. 500 meter til Kreklingevegen.

Herifrå følgjer du skilt “Raudmelen / Naturstiar/nature trials”. Frå Ja-steinen går stien som er merka med raud farge, til Orrabenken (370 moh.), eit populært utsiktspunkt der Røde Kors held til under løpet. Frå Orrabenken går stien viare over Orramyri og gjennom bjørkeskog til Klukshaug (489 moh.), herifrå ser du målområdet og hytta Baly på toppen.

Du fortset vidare gjennom bjørkeskogen og over eit steinlagt parti til Buråsi (575 moh.). Her er drikkestasjon og helsepersonell. Du kjem no over tregrensa, og frå resten av stien har du vide utsikter mot Esefjella og over Sognefjorden.

Det steinete partiet under toppen er det gode steintrapper av Sherpaer frå Nepal. Stien elles har blitt/blir utbetra av lokale dugnadsfolk og Vener av Balestrandsfjella.

Målområdet er ved Baly, ei avlang trehytte bygd av studentar frå Bergen arktitekthøgskole i 2017. Her får du som mosjonist medalje og drikke.

Løypetraséen konkurranse 5,4 km

Løypa er 5,4 km, og går frå Kviknes Hotel. Startskotet går i hagen framfor hotellet sin kjende sveitsarfasade. Løypa går forbi Norsk Reiselivsmuseum, gjennom sentrum og inn i Lærargata. Ved Balestrand Bygdahus er det opp ein bratt sti til Sygna vidaregåande skule. Herfrå går løypa over fotballbana, forbi Belehalli (idrettshallen) og inn i skogen.

Vidare går det oppover til Orrabenken (370 moh.), eit populært utsiktspunkt der Røde Kors held til under løpet. Frå Orrabenken går løypa over Orramyri og gjennom bjørkeskog til Klukshaug (489 moh.), her ein kan sjå målområdet og hytta Baly på toppen. Ein fortset vidare gjennom bjørkeskogen og over eit steinlagt parti til Buråsi (575 moh.). Her er drikkestasjon og helsepersonell.

Etter Buråsi er kjem ein over tregrensa, og resten av løypa byd på vide utsikter mot Esefjella og over Sognefjorden. Det steinete partiet under toppen har blitt utbetra med gode steintrapper av Sherpaer frå Nepal. Stien har elles utbetra av lokale dugnadsfolk og Vener av Balestrandsfjella.

Målområdet ligg ved Baly-hytta, ei avlang trehytte bygd av studentar frå Bergen arktitekthøgskole i 2017. Her er det drikkestasjon.

For konkurranseløparane vert det registrert mellomtider ved Orrabenken, Klugshaug, Buråsi og ca. 200 meter før mål.